©Eliot, J. 1685. Ruth.ª


<262> <<Ruth>>


VVUSSUKWHONK PAPAUME RUTH.


<262a> <<Ruth 1.1>> ^Jabesh Gelead, Shiloe nunksquoh.^

CHAP. I.
	1 Elimelech driven by famine into Moab, dieth there.
	6 Naomi returning home,
	14 Ruth accompanieth her.

1.1 KAH n nih kesukodtash wussittumwaen£og n nawunnumwahettit, na mo mahshagquodt ohkeit, kah howae Bethleheme-Judae wosketomp, au n¢nìsohsinneat ut ohkit Moab, nagem, kah ummittamwussoh, kah neesuoh wunnaumonuh.

1.2 Kah ìwesuonk noh wosketomp Elimelek, & ìwesuonk ummittamwussoh Naomi, kah ussìwesuoh neesuoh wunnaumonuh Mahlon kah Chillion, Ephrathitsog wutch Bethleham Judah, kah peyaog wutohkit Moab, kah na wutayineau

1.3 Kah Elimelech Naomi wessukeh nuppì, kah noh mo nukkonau, kah neesìoh wunnaumonuh.

1.4 Kah nag ummittamwussuog Moabe mittamwussissoh, pasuk ussìwesu Orphah, onkatog ussìwesu Ruth, kah na wuttaiineau | papaume piogqu‚ kodtumwae.

<262b> <<Ruth 1.4>> ^Naomi wessukeh nuppoo ut Moab^

1.5 Kah Mahlon & Chilion wonk nuppìog naneeswe, kah mittamwos s‚qunneau wutch neesìoh wunnaumonuh, kah wessukeh.

1.6  Neit nepau weeche wushumoh, onk woh qushkeu wutch ohkit Moab, newutche nìtam ut ohkit Moab, Jehovah natauwaheau ummissinninneumoh, wuttinnumauoh petukqunnunk.

1.7 Newajeh sohhog wutch ayeuonganit ne apeup, kah ©nªeese wushimoh weeche, kah nag moncheog mayut, qushkenat en ohkit Judah.

1.8 Kah Naomi unnau neesìoh wushumoh, monchek naneeswe qushkek en kokasì wekit: Jehovah womoausue n‚hikìk neanhe¢gkup napukeg kah nen.

1.9 Jehovah aninnumungìk onk woh kummiskomumwì anw¢sin¢onk naneeswe wekit wessukeh, Neit nah wutchipwuttìn po, kah nag mishontìw e mauog.

1.10 Kah wuttin¢uh, Wunnamuhkut kìweeche | qushkemunnumun, en kummissi[n]ninneumut.

<263a> <<Ruth 1.10>> ^Qushku Bethlem, Ruth weeche,^

1.11 Kah Naomi nìwau, qushkek wonk nuttaunog, tohwutch weech(a)‚¢g? sun wonk nìnamoni ut nut“ont¢mukqut, onk woh nag kasuk¢ì¢og?

1.12 Qushkek wonk nuttaunog, monchek, newutche nupp paquanu kechisquaesu, woh nìw sukiinneat, nìw on nutan¢us, ìwasukiean wonk yeu nohkog, kah wonk wunnaumoni‚an.

1.13 Nag woh kuppahheo¢og, n¢ pajeh ukkesukkinnea¢ont? nag woh kupp hheo“¢g wutch ìwesukkinneat? match(a)og, nuttaunog: newutche mìcheke neuantam wutche kenaau, newutche wunnutcheg Jehovah nutayeuuhkonittue sohweetunkqun.

1.14 Kah wonk mishontìwae mauog: kah Orphah chipwuttìnapwau wasenumoncheh, qut Ruth ummìsogquehtauoh.

1.15 Kah nìwau, kusseh, k‚numwi qushkei en ummissinninneumut, kah en ummanittìmut, ken qushkee asuhkau k‚num.

1.16 Kah Ruth nìwau, ahque nanompassumeh kenukkonununat, qushkenat wutch kutasukau(u)nunat: newutche uttoh a¢an nen nuttom, kah uttoh ka‚an nen nukkouin, kummissinninn£mog pish nummissinninn£mog, kah kum-Manittìm num Manittìm.

1.17 Uttoh adt nuppìan nen nuttit nuppun, kah ne nuttit posekinnittean, LORD ne unn‚hitch, kah wonk mìcheke, ne teaguas qut webe nuppìonk chachaubenukqueog.

1.18 Nag ummenuhke unnanumukquoh kìweech ush, neit wutahque kenìnuh.

1.19 Neit nag neeshauog n“ pajeh peyona¢ont Bethlehem: kah n nih, pa hettit Bethlehem: wame otan wogkou‚mì papaume nagoh, kah nìwaog, yeuoh Naomi?

1.20 Kah nah wuttinuh, ahque ussoweneg Naomi, ussoweneg Marah, newutche wame Masugkenuk nìwesogkenˆhuk.

1.21 Numwameechume sohhamup, kah Jehovah wonk nupp sìk mehchu, tohwutch neit ussowes‚¢g Naomi, Jehovah nutayeuuhkonittue wauwa¢sit, kah wame Masugkenuk nutohquanittamhik?

1.22 Nemehkuh Naomi qushkeu, kah Ruthoh wushimoh weeche, noh um-Moabit, neg quashkecheg wutch Moab[e]e ohkit: k h peyaog Bethlehem nìche kepenumuk barlyhash.


CHAP. II.
	1 Ruth gleaneth in the fields of Boaz:
	4 He taking knowledge of her,
	8 sheweth her favour.

2.1 KAh Naomi wessukeh wutt�nnunkumauoh mish‚na‚tuen, wutch wutte teashiyeuonk Elimelech, kah ussowenau Boaz.

2.2 Kah Ruth um-Moabit unnau Naom�oh, onti ohteuhkonit, kah mukkuppasquadti asuhkaue noh kodtumonteanumit. Kah wuttinuh, | monchish nuttaunes.

<263b> <<Ruth.2.2>> ^Ruth mukkuppasquau Boaz ohki(t)^

2.3 Kah noh monchu, kah peyau, kah asuhkaue mukkuppasquauau kepenumwa‚nuh, kah nnih, miskom chippe ohteuk ne wadtaumaik Boaz, neh wuttinnunkum¢poh Elimelech.

2.4  Kah kusseh Boaz wìm Bethlehem, kah unnau kepenumwa‚n[–]h. Jehovah wetomukìk, kah nag nampìhamwog, Jehovah wunnanumukqush.

2.5 Neit Boaz unnau wuttinneumoh noh nanawunont kepenumwa‚n£h, howan yeuh wutushquomoh?

2.6 Kah wuttinneumun noh nanawunont kepenumwa‚n–h, nampìham kah nìwau, noh Moabitseh squau, neh weeche qushkìmohcheh Naomi, wutch Moabe ohkeit.

2.7 Kah nìwau, kìwehquetumoush mukkuppasquadti, kah mukkinnumutti asuhk ue kepenumwenuog, ut kenugke sheavsash: neit peyau, kah mukkupashquau wutch mohtompanae kah yeu pajeh, webe ogguhse appu wetu“mut.

2.8 Neit Boaz unnau Ruthoh sun mat kenìtamì nuttaunes, uhkon onkatoganit ohteuhkonit mukkupashquon(a)t, asuh ahque yeu wutch monchish, qut yeu apsh kishke nuttinneume mittumwussissog.

2.9 Kuskesukquash ohtaj ohteuhkonit, nish kepenumohetticheh, kah nag asuhkau: sunnummatta numm‚chumuhkonoh wuskenuog matta kummussunukkìuna¢ont? kah kuhkuttìnan, aush wishquadt, kah wuttattash ne wuskenuok sokenum¢hettit.

2.10 Neit penushadtam wuskesuk, kah nauwaeu en ohkeit, kah wuttinuh tohwutch namehteau kitteamo¤teanittuonk ut kuskesukqut, woh kìwahinneat, nen penìwohteaye n.

2.11 Kah Boaz nampìham kah wuttinuh, papa(n)nuppe nìwahteauwahit wame ne anheadt waseenumadt wut£hshit adt nuppuk kasuk: kah uttoh ane nukkonadt kìsh kah kokas, kah ohke ne adt neekean, kah kuppeam missinninnuut neg matta negonne w heo dcheg

2.12 Jehovah onkquadtontaj kutanakausuonk, kah pakodcheonkquatunk aninnumauununaj nashpe Jehovah ummanittìmoh Israel, agwe ummequn�t noh nonche pabuhtanumadt.

2.13 Neit noh nìwau namehteau©uªtti womonittuo©nªk ut anaquabean nussontimom, ne wutche kìwekontamwahe, kah kìwomoausue kenìn kittinneum, tohkonogqu‚ mat neaneunkqussen pasuk mittamwossisse kittinneum.

2.14 Kah Boaz wuttinuh meetsehettit yeu peyƒush, kah meech petukqunnunk, kah quogkinsh kukkodchuhkiìm ut vinegerut kah appu kishke kepenumweenuut, kah wutassƒmuh appuminneanash, kah noh meetseup | kah wamepìp, kah squehteam.

<264a> <<Ruth 2.14>> ^Womoausue wuttinheuh^

2.15 Kah neepau�t en ummukkupƒsquonat Boaz annìnau ìskeneumoh, nìwau, mukkupashquaj ut kenugke sheavsehtu, kah ahque akodjheuk.

2.16 Kah unnantamwe penuhte¢gk n“ nequttenutchanash wutche noh, kah nish sequnnumok onk woh nash ummukupashquonash kah ahque aushkomìk.

2.17 Neit mukkupasquau ut ohteak¢nit n¢ pajeh wunnonkkìììk, kah uppoghamunash nish magkuppashquajeh kah ne papaume Barlie Ephah.

2.18  Kah wunnemunnumunash, kah au otanat: kah wasenumoncheh naumwoh ne magkuppasquadt: kah paudtau wuttinnumauonash nish wadchanukish mahche wamepwut,

2.19 Kah wasenumoncheh unnuk, ut tohkìch mukkupashquon yeu kesukok[?] kah uttoh kuttit an kausin? wunnanumunaj noh waanumukquean, kah umm�shamƒuonuh wasenumoncheh, neh adt anakausitcheh, kah nìwau, wosketomp noh adt anakaus‚h yeu kesukok ussowenau Boaz.

2.20 Kah Naomi unnau wushimoh, noh wunanumukqutch Jehovah noh matta ahque womonunk pamontamunitcheh, kah napinitcheh, kah Naomi wuttinuh, wosketomp kuppasw(au)w“mukqun, pasuk noh nahohtoe kuttinnunkumoun.

2.21 Kah Ruth um-Moabites nìwau, wonk nuttinnuk, pish kuppaswuhkau nìskeneumog, n¢ pajeh nummahche kepenumunkqunn(a)oont.

2.22 Kah Maomi unnau Ruth wushimoh, ne wunnegen, nuttaunes kìweechauonat ummaidumoh, woh mo kenogskunkìog ut woh toh ohteakonit.

2.23 Nemehkuh pasìsukauau ummaidumoh Boaz mukkupasquonat, ut mahche barlie kepenumunat, kah wheate kepenumunat, kah weetomau waseenumoncheh.


CHAP. III.
	1 By Noami's instrustion, Ruth lyeth at Boaz his feet.
	8 Boaz acknowle[d]geth the right of a kinsman.

3.1 NEit Naomi wasenumoncheh unnuk, nuttaunes, sunnummatta woh ken tinne…ham uunì anwohsinoonk, onk woh kìni[?]

3.2 Kah yeuyeu sunnummatta Boaz kittinnunkumoun, n“ mo weetomadt ummaidumoh? kusseh, tìwehuminneau barly yeu nohkog ut ahhuttannuppoghamuk.

3.3 Newutche kutchessum kuhhog, kah wunhogkìunash, kah wìmsish en ahhuttannuppoghamuk: qut ahque wahteauwah kuhhog wosketomp, n¢ pajeh meetsinneat kah wuttattamunat.

3.4 Kah pish nnih sepsuk, kuhkinneasish uttoh kait, kah petutteash, kah woshwunush | wusseetash, kah ne seepsish, kah noh pish kuttinuk toh woh asean.

<264b> <<Ruth 3.4>> ^Sepsin wusseetut Boaz.^

3.5 Kah wuttinuh, wame ne …sean, pish nutussen.

3.6  Kah wìmsu en ahhuttannuppoghamuk, kah wuttussen wame, ne wasenumoncheh anukquit.

3.7 Kah Boaz mahche metsit kah wuttattog, kah wuttah wekontamìmìuk, sepsin kishke nomungquag weatchimineash: kah keme peyau, kah ìwoshwunnumauoh wussetash kah sepsin.

3.8  Kah nnih n¢adtipukok, wosketomp wabesu, quinnuppu: kah kusse mittamwossis sepsin wussetut.

3.9 Kah nìwau howan ken? kah noh nampìham, nen Ruth kittanneum, newutche puttogkì kittinneum, newutche ken kuppasìtauwamsh.

3.10 Kah nìwau, wunnanumukqush Jehovah nuttaunes newutche kummìcheke womoaus£a‚neh(e)h maumachish, onk na wuske, newutche matta kut sukauoh wuskenuog: uttoh an matchetuog asuh weenauwetuog.

3.11 Kah yeuyeu nuttaunes, ahque wabesish kittinhennon wame kodtantaman, newutche wame keitotan nummissinninn£mog wahteauog, ken wunneetupanatamwe mittamwossis.

3.12 Kah yeuyeu, wunnomwayeuonk, nen kuppasìtauwamsh, qut nn  wutinnonkum¢in paswe onk nen.

3.13 Yeu apsh yeu nohkog, kah pish n nih, mohtompog, noh unnehikquean ne unnonkumì ahusseet, ne naj, usseitch unnonkumau wuttuss‚onk, qut matta unnehikkìan unnonkumau ne  husset, neit nen pish kuttinhennon ne  husset unnonkumau, Jehovah neane pomontog sepsish n¢ pajeh mohtompanit.

3.14  Kah seepsinwoh wusseetut pajeh mohtompanit: kah omohku ash nan¢utt—hhetteg, kah nìwau, ahque wahteauunach mittumwossis petutteau ahhut tannuppoghamuk.

3.15 Wonk nìwau, paudtaush kommonak, ne agquean, kah wunninsh, kah w ninuk, nequtta tahshe barly quttuhhum, kah upponamauon, kah au otan(a)t.

3.16 Kah p aonont wasenumoncheh, nìwau, howan ken nuttaunes, kah wuttinnon wame ne wosketomp anheont.

3.17 Kah nìwau, yeush nequtta tahshe quttuhwhosikish barlyhash nuttinnumunkqunash, newutche nuttinuk, ahque mehchuaush wasenumat.

3.18 Neit nìwau, chequnapsh nuttaunes, n¢ pajeh kìwahteaunat uttoh aunak, newutche wosketomp matta anw¢sinì, n¢ pajeh kesteauunat teag, yeu kesukok.


CHAP. IV.

<265a> <Ll> <<Ruth 4.1>> ^Israel wesentamoonk^

	1 Boaz calleth into judgment the next kinsman.
	6 refusing the redemption
	10 Boaz marrieth Ruth.

4.1 NEit Boaz kuhkuhqueu en squontamut, kah na wutappin, kah kusseh wuttinonkum“in ne Boaz anìwopoh, pomushau, kah wuttinuh, chuh, ken qushkish yeu apsh: kah qushkeu kah nummattappu.

4.2 Kah neemunau piogqussuoh Eldersoh ne otanat, kah nìwau, yeu appek: kah nummatappuog.

4.3 Kah unnau anunkumoncheh, Naomi, no(h) wonk peyau wutch Moabe ohkeit, magou kodchu©hªk(i) ohke ne wadtieheip kematin Elimelech.

4.4 Kah nuttenantam kuttinnunnun nussim, adt¢ush ut anaquabhettit yeu wadohkitcheg, kah anaquabhettit Elderse nummissi¤ineumog, manìhamman, manìsh, qut matta manìhamìan, usseh, onk woh nìwateoun: newutche wanne howan onkatuk woh manìhamìun webe ken, kah nen nahoht¢eu, kah nìwau nummanìhamun.

4.5 Neit nìwau Boaz, ne kesukok adtoƒan wut¢hteuk Naomi wutch wunnutcheganit, kah wonk mos kutadt“amon Ruth um-Moabit, ummittamwussoh napuki wa penumunat ìwesuonk noh napuk ut wutohtoonganit.

4.6  Neit  nunkumit nìwau, nìnanum manìhumunat wutch nen, ishkont nummatchteo nehenwonche nutoht¢onk, manìsh nussampwiyeum, wutch ken, newutche nìnanum manìhamunat.

4.7 Kah yeu mo weske nniyeup ut Israelut, papaume manìhamìonk, kah papaume ¢sìwunnum“onk, wunnehtinneat nish noh teag, wosketomp ukkodtinnumunat ummokis, kah wuttinnumauun wetatteamunguh, kah mo wauwaonk ut Israel.

4.8 Newajeh anunkomont unnont Boazoh, adt¢ash wutche ken, neit kodtinnum ummokis.

4.9  Kah Boaz unnau Eldersoh, kah wame missinninn£h, kenaau kìwawa‚nneumwì yeu kesukok, nuttaphum wame ne ahtunkup Elimelech, kah wame ne ahtunkup Chilion kah Mahlon, wutch wunnutcheganit Naomi.

4.10 Wonk Ruth um-Moabit, ummittamwussoh | Mahlon, nuttapì nìmittamwussissinneat, wa penumunat ìwesuonk noh napuk ut wutohtoonganit, ìwesuonk noh napuk matta woh tummussumìun, wutch kenugke weematut, kah wutch wut yeuongane squontamut kìwauwa‚neumwì yeu kesukok.

<265b> <<Ruth 4.10>> ^Elkanah womonau Hanahoh^

4.11 Kah wame missinninnuog neg squontamut, kah Eldersog nìwaog, nìwauw¢mun, Jehovah unneheonch ne mittamwussissoh paonutcheh kekit onatuh Rachel, kah onatuh Leah, neg nesuog ayikkuppanneg wek Israel, kah missugkensh ken ut Ephrata, kah waeenomukqusi(sh) ut Bethlehem.

4.12 Kah keek ogqueneungquadtitch wekit Phares (neh Tamar nekitteaompuh Judahoh) wutch wuskannem ne pish Jehovah anumungquean nashpe yeuoh wuskittamwus.

4.13  Neit Boaz nemunau Ruth, kah noh ìmittumwossissinneuh, kah petuttea•nont, LORD wuttinnumauoh wompequauonk, kah wunnaumonieu.

4.14 Kah mittumwussisog unn og Naomioh, wunn numunaj Jehovah, noh matta n¢gkonukkìan yeu kesukok, matta wuttinnonkumo‚inat onk woh ìwesuonk woweenodtumukquodt ut Israelut.

4.15 Kah noh pish nompenuk kukketeaonk, kah wussikkitteahuwa‚nin ut kukkehchiyeuinneat: newutche kushim noh wom¢nukquean, ne  nue wunnegik ut kuhhogkat onk neg nesausuk tahsuog wunnaumoniinneunk, neh neechadcheh.

4.16 Kah Naomi neemun u mukgiesoh kah uponuh uppìchenau¢inat, & wunnìs inoh.

4.17 Kah weetatteamunke mittamwussissoh ìwesuonganuhkau¢uh, nìwaog, wunnaumoniin neetu ut Naomi ut: kah wutussowen¢uh Obed: yeuoh ìshoh Jesse, ìshoh David.

4.18  Kah yeush uppometeongash Phares: Phares wunnaumoniyeu Hezronoh.

4.19 Kah Hezron wunnaumonieu Ramoh, kah Ram wunnaumonieu Aminadaboh.

4.20 Kah Aminadab wunnaumonieu Nahshon, kah Nahshon wunnaumonieu Salmon.

4.21 Kah Salmon wunnaumonieu Boaz, kah Boaz wunnaumonieu Obed.

4.22 Kah Obed wunnaumonieu Jesse, kah Jesse wunnaumonieu David.