©Eliot, J. 1680. 1 John.ª <236> <<1 Jn.>> Negonne nanwe wut-Epistleum JOHN. <236a> <<1 Jn.1.1>> ^Wunnamuhkuteyehe w uwacheg.^ CHAP. I. 1 He describeth the person of Christ, in whom we have [e]t[e]rnal life, by a communion with Go[d], 5 To which we must a[d]joyn holiness. 1.1 NE ohtagkup wutch weske kutchissik, ne nìtamogkup, ne naumogkup, wutch kuskesukqunn¢nut, ne moninneamagkup, kah mamussunnumagkup ut kenutcheganunnonut, papaume pomantamoe wuttinnowaonk. 1.2 Newutche pomantam¢onk mo wahteauwahuwon, kah nunnaumunnanonup, kah nìwauwomun, kah kenahtinunnan, ne micheme pomantam¢onk ne weetomukup wutìshimau, kah mo kìwahteauwahettean(a)n. 1.3 Ne neumagkup kah nìtamogkup kìwahteauwahenunan, onk kenaau wonk woh kìweeche mo ppumimun, kah wunnamuhkut nìweeche mo pputuonganun weeche wutìshin, kah wunnaumonuh Jesus Christoh. 1.4 Kah yeush kìsukkuhhumauunun no(n)ash kìwekontamìonganì woh numwohtaut. 1.5 Neit yeu nehtam¢onk, ne nìtamauogkut, kah kìwahteauwahenunan, noh GOD wequai, kah ut nagum wanne pohkenano. 1.6 Tohneit nìwaog noh nìweechemoayeumoun, kah pomushaog pohkenaiyeuut, nuppannìwonan, kah matta nutuss£mun wunnamuhkuteyeuìuk. 1.7 Qut pomushaog wequaiyeuut, neyane noh appit wequaiyeuut, nìweeche moayeutimun, kah ìsqheonk Jesus Christ wunnaumonuh, kuppahkhikqunan wutch wame matchesonganit. 1.8 Nìwaog matta nìmatcheseonganeumun, nuta(s)ìkekom(o)mun nuhhogkanonog, kah wunnamuhkuteyeuìuk matta nutappehtunkìmun. <236b> <<1 Jn.1.9>> ^Chrifl noonohteaeneu[m]^ 1.9 Sampìaog nummatcheseonganunonash, noh pabuhtanumukqussu, kah sampweussu kutahquoantamunkqunnan¢nut kummatcheseonganunonash, kah kuppahkhukqunnanonut wutch wame panneseonganit. 1.10 Nìwaog matta nummatcheseumun, kuppannìwaeneuh‚oun, kah wuttinnìwaonk matta kutapehtunkìunan. CHAP. II. 1 Comfort against sins of infirmi[t]y. 3 To know God, is to keep his commandements. 18 To beware of seducers: 20 From whose deceits the godly are sa[s]e preserve[d] by faith and holines[s] of life. 2.1 Nummukki‚sumog, yeush kìsukkuhhumauununa¢ash; matta kummatcheseunna¢ut, kah howan matcheseit, nukkenìtamwanshitteamun weeche Wutìshimau Jesus Chr(i)st sampweusseaen. 2.2 Kah noh wunnohteayeuaenn wutch kummatcheseonganunonash, kah matta webe kuttaihenonash, qut wonk wutche ummatcheseongash mamusse muttaok. 2.3 Kah ne nashpe nìwahteomun noh nìwaheon, nanauwehteauogkut wuttinnìw ongash. 2.4 Noh  nìwadt, Noh nìw eh, kah matta nanauwehte uunk wutannìteamongash, noh pannìwaenin, kah wunnamuhkutayeuuk matta wutappehtunkìun. 2.5 Qut howan nanauwehteauont wuttinnìwaonk, ut wuhhogkat wunnamuhkut, womonaonk GOD pannuppeteauun, ne nashpe nìwahteomun, nutappehtau¢un. 2.6 Noh  nìwadt, Nutapehtau, noh woh ne wuttin pomushon neyane pomushanit. 2.7 Neematog wanne nìsukkuhhumìh wuske naumatuonk, qut nukk¢ne naumatuonk, ne ahtunkup wutch kutchissik: nukkone |  nìteamonk, ne wu©tªtinnìw onk ne nìtamog waj kutchissik. <237a> <<1 Jn.2.7>> ^Ahque womantamook muttaok.^ 2.8 Wonk, wuske naumatuonk kìsukkuhhum uonumwì, ne wunnamuhkuteyeuuk ut wuhhogkat kah ut kuhhogka¢ut, newutche pohkenai paumsheau, kah wunnamuhkut wequai yeuyeu wohsumìmì. 2.9 Noh  nìwadt nen nutap wequaiyeuut, kah sekeneauont wematoh, noh appu pohkenahtu n¢ pajeh yeuyeu. 2.10 Noh womonont wˆmatoh, appu wequ iyeuut, kah matta wunuhkom“onk togkussittassununat ut wuhhogkat. 2.11 Qut noh sekeneauont wematoh, eppu pohkenahtu, kah pomushau pohkenahtu, kah matta wahteauou uttoh  ont, newutche pohkenni pogkenumwahteomì wuskesukquash. 2.12 Kìsukkuhhumauonumwì mukkiesog newutche kummacheseonganoash kutahquoantamonteamì, newutche ìwesuonk. 2.13 Kìsukkuhhumauonumwì wutìshinneunk, newutche kìwaheau, wutch waj kutchissik, kìsukkuhhumauonumwì wuskenuog, newutche kussohkau¢mwì matchetuk, kìsukkuhhumauonumwì mukkiesog, newutche kìwaheomwì Wutìshimau. 2.14 Kìsukkuhhumauonumwì wutìshinnenuk, newutche kìwaheau noh waj kutchissik, kìsukkhhumauonumwì wuskenuog, newutche kummenuhksimwì, kah wuttinìw onk GOD kutapehtunkumwì, kah kussohkau¢mwì machetuk. 2.15 Ahque womantamìk muttaok, asuh nish ohtagish muttaohkit, howan womantog muttaohke, ìwomoausuonk Wutìshimau matta appehtunkì. 2.16 Newutche wame ne ohtag muttaohket, weyause matchekodtantam¢onk, muskesukque matchekodtantam¢onk, kah pittuinum¢e pomantam¢onk, matta wutchaiinnìh Wutìshinneat, qut wutchayeu muttaohket. 2.17 Kah muttaok mahtsheau kah ummatchekodtantamìongash, qut noh asit wuttenantamìonk GOD, michemappu. 2.18 Mukkieseog, ne maumachish ahquompi, kah neyane nìtamog, Antechrist pish peyau, yeuyeu mon…og Antechristsog, ne nashpe wahteauog nish maumachish ahquompiyeuash. 2.19 Nag nussohwehtunkqunnonog, qut matta wutchieog nuhhogkanon©uªt, newutche wutchaihettit nuhhogkanonut; wunnamuhkut woh nagwutteae nìwetomukqunnonog: qut (n)ag sohhamwog wahteauw huw¢n t nag matta wame wutchieog nuhhogkan¢nut. 2.20 Qut kutahtomwì sussequnnittuonk wutch waneetupanatamweyeuut, kah kìwahteomwì wame teanteaqussinish. 2.21 Matta kìsukkuhhumauonumwì, newutche matta kìwahteoìunneau wunnamuhkuteyeuuk: | qut newutche kummahche wahteauunneau, kah wanne pannìwaonganinnì wutchayeumìut wunnamuhkuteyeuuk. <237b> <<1 Jn.2.21>> ^noh sampwesit wutchiyeu Godut^ 2.22 Howan pannìwaen, qut noh pannìwohtog noh Jesus Christeuì? noh AnteChrist pannìwohtauont Wutìshinneuh kah Wunnaumoniinneuh. 2.23 Howan pannìwohtauont Wunnaumaniinneuh, noh matta Wutìsheinneuh: 2.24 Newutche ne appehtunkìk ne nìtamog n“ waj kutchissik, ne nìtamog no waj kutchissik appehtunkqueog, kenaau pish wonk ken gwutteapmwì Wunnaumoniinneat, kah Wutìshinneat. 2.25 Kah yeu quoshauwaonk ne quosh¢mukqueog, micheme pomantamoonk. 2.26 Yeush kummahche wussukhumanuna¢ash papaume nag pannesìunukque¢gig, 2.27 Qut sussequnnittuonk ne attumunum uog, kutappetunkquneau, kah matta kukquenauhikkumwì howan kukkuhkìtomunkqunaout qut neyane ne nan sussequnittuonk kukkuhkìtomunkquneau wame, kah ne wunnamuhkuteyeuì, kah matta pannìwaonganunnì, kah neyane kuhkìtomonteaog, noh pish kutapehtauau. 2.28 Kah yeuyeu mukkiesog apeht¢k, onk noh nogqussit, woh nummenuhkanno¢simun, kah matta nutakodchumun ut anaquabit uppeyonat. 2.29 Wahteauog noh sampweseaen, kìwahteomwì, nishnoh pasuk noh sampweasit neh wutchetuoh wuhhogkat. CHAP. III. 1 He declareth the singular love of God towards us in making us his sons. 3 Who therefore ought obedieutly to keep his commandements, 11 As also brotherly to love one another. 3.1 NAumìk chaugue womonittuonk ne Wutìshimau ponumunkqueog, kutt‚hennitte nanonut wunnaumonuh GOD, newajeh muttaohke matta wahi(k)ìog, newutche matta ìwaheouh. 3.2 Womonogig, yeuyeu neenawun wunnaumonuh GOD, kah asquam nogqudtinno, toh pish  niyeog, qut nìwahteomun, noh nogqussit, pish neyaneunkqussinnean, newutche pish nunnauoun neanussit. 3.3 Kah nishnoh wosketomp yeu ohtunk anno¢suonk ut wuhhogkat, pahkheau wuhhogkuh, neyane noh pahkesit. 3.4 Howan matcheseit, noh wonk pannenehteau naumatuongash, newutche matcheseonk ne panneneheaonk naumatuonk. 3.5 Kah kìwahteomwì, noh mo wahteauwahuau wutamaunumunat kummatcheseonganunnonash, kah ut wuhhogkat matta match©eªseonganunnì. 3.6 Howan neh apehtauont. matta matcheusseu: howan matcheusseit, matta | wunnauuh, asuh ìwaheuh, <238a> <<1 Jn.3.6>> ^Wowomonittuonk wunnegen^ 3.7 Mukkiesog, howan asìkekomukìhteogk noh sampweasit, noh sampweusseanuì, neyane noh sampweusseaenuuut. 3.8 Noh matcheseit noh wutch yeu mattannittìut, newutche mattanit matcheseu n“ waj kutchissit, yeu wajeh wunnaumonuh wosketomp nogqusseup, onk woh uppagwatauunat wutanakausuongash matta nnit 3.9 Howan wadchegit Godut, matta matcheseonk usseu, newutche ìskannem nagwappehtunk, kah matta woh matcheseu, newutche noh neetu ut Godut. 3.10 Yeuut wunnaumonuh GOD wahteauwah‚oneau, kah wunnaumonuh mattannit, howan matta asek sampweusseonk noh matta wutch yeu Godut, asuh noh matta womonunk weematoh. 3.11 Newutche yeu anìteamìonk kenìtamu(n)naop waj kutchissik, kìwowomonnittinnanonut. 3.12 Matta netatuppe Cain, noh wutchayeu noh matchetuk, kah nushau weematoh, kah toh wajeh nushont? newutche nehenwonche wutanakausuongash matchitash, kah weematoh sampweusseongan£ìash. 3.13 Ahque monchanatamìk neematog, muttaohke sekeneunkqueog. 3.14 Nìwahteomun nuppaumukommumun nuppìonk, en pomantamìenganit, newutche nìwomonomun weemattinneunk: noh matta womonunk wematoh appu nuppìonganit. 3.15 Howan sekenauont weematoh, noh nushehteaenin, kah kìwahteomwì wanne nushehteaenin, ahtoon micheme pomantam¢onk wutappetunkqunat. 3.16 Yeu waj wahteauog ìwomoausuonk GOD, newutche kupponumwanshikqun uppomantam¢onk, kah woh kupponamumun kuppomantamìonganun wutche weemattinneunk. 3.17 Qut howan ahtunk yeu muttaohk‚e maumachiash, kah nauont wematoh quenauhikquoh, kah kuppohhamauont kitteamonteannitte e wunnogkus, uttoh wuttinne appehtunkqun ìwomoausuonk GOD? 3.18 Nummukkiesumog ahque webe womonitttteuh ut kuttìwonganit, asuh meenannuut, qut usseonganit, kah adt wunnamuhkuteyeuuk. 3.19 Kah ne nashp‚ wahteauog nìchiimun wunnamuhkuteyeuuk, kah pish nuppahkontamumun ut nuttahhunonut anaquabit. 3.20 Newutche nuttahhunn¢nash wussumukqueog, GOD  nue missugken onk nish nuttahhunn“nash, kah wahteau wame teanteagquassinish. 3.21 Womonogig, kuttahhunn¢nash matta wussumukìog, neit nuppahkontamumun nogque en Godut. 3.22 Kah uttoh  ne wehquetumog, nutattumunum u¢nan, | newutche nanauwehteomun wutannìteamowonk, kah yeush nutussenanonash wasukkitteahikqutche ut anaquabit. <238b> <<1 Jn.3.22>> ^nootamook wuttinnoowaonk God^ 3.23 Kah yeu wutannìteamìonk woh kìnamptamunn nonut ìwesuonk Wunnaumonuh Jesus Christoh, kah kìw“amonittinnean¢nut neyan annìnukqueog. 3.24 Kah noh nan uwehteauont wutannìteamowongash, ìweetomuh, kah nagum wonk ìweetomuh: kah yeu waj wahteauog kìweetomukìwonganun, nashpe Nashauanitto ne  numungqueageh. CHAP. IV. 1 He warneth them not to helieve all teacher who boast of the Spirit, but to try them by the rules of the catholick faith: 7 And by many reasons exhorteth to brotherly love. 4.1 WOmonogig, ahque wunnamptok nish noh nashauanit, qut qutcheheuk nashauanittowog, toh wuttinne wutchaiinneau Godut, newutche monaog pannìwae quoshodtumwaenuog sohhamwog en muttaohket. 4.2 Yeu wutch waheuk wunnashauanittìmoh GOD, nishnoh nashau nit sampìadt Jesus Christ peyau ut weyausut, noh wutcheiyeu Godut. 4.3 Kah nish noh nashauanit matta sampìog Jesus Christ peyop ut weyausut noh matta wutchaiyeu Godut, kah yeuoh wunnashauanittìmoh Antechrist, noh nìtamogkup, noh pish peyau, kah yeuyeu mahche appu muttaohket. 4.4 Kenaau kìchiimwì Godut, mukkiesog, kah nag kussohkauo¢og, newutche noh apehtunkqueog  nue missugken, onk noh  pit muttaohket. 4.5 Nag wutchaiyeuog muttaohket, newajeh keketìhkontammohettit muttaok, kah muttaok wunnìtauouh. 4.6 Nenawun nìchiyimun Godut, noh waheunt Goduh, nìtunkqun, noh matta wadchiigk Godut matta nìtunkìun, yeuwajeh wahteauog wunnamuhkut‚e nashau nit, kah pannìwoht m¢e nashauanit. 4.7 Womonogig, womonittitteuh, newutche womonittuonk wutchayeumì Godut, k h nishnoh pasuk womoausit noh neetu ut Godut kah w heau Goduh. 4.8 Noh matta womoausìog, matta waheau Goduh, newutche GOD womoausuonganuì. 4.9 Newaj ìwomoausuonk GOD nogque en kuhhogkan¢nut wahteauwahuwon, newutche GOD annìnau wunnukquttegheonuh en muttaohket, woh kenashpe pomantamìmonanonut. 4.10 Yeu ut ìwomoausuonk, matta kìwomonaonganun GOD, qut kìwomonukìonganun, kah annìnau Wunnaumonuh ìnohteahu¢nat wutch kummatcheseonganunn¢nash, <239a> <<1 Jn.4.11>> ^Kesukque wauwacheg.^ 4.11 Womonogig GOD ne anìwom¢nukqueog, woh kìwomonittimun. 4.12 Wanne howan nau¢ou Goduh uttoh ahquompeu, womonitt‚og, GOD kutapehtunkqun, kah ìwomoausuonk panuppeyeuì ut kuhhogkan¢nut. 4.13 Yeu waje wahteauog, nutapehtau¢nan, kah nutapehtunkqunan, newutch nuttinnumunkqun wunnashauanittìmoh. 4.14 Kah nauunonup kah nìwauwonan, woh Wutìshimau anìnau Wunnaumonuh, ìwadchanumunat muttaok. 4.15 Howan sampìadt Jesus wunnaumonuh GOD, GOD neh wutapehtauoh, kah noh apehtauau Goduh. 4.16 Kah nìwahteomun kah nìnamptamumun, nìwomonukìonganun GOD. GOD womoausuonganuì, kah noh apehtog womonittuonk, appehtauau Goduh, kah GOD wutappetauoh. 4.17 Yeu ut nìwomonitteaonganun pannuppeteauun, woh nummenuhkes‚nanonut ut wussittum¢e kesukodtut, newutche neyaniit ne nuttinniinnean yeu muttaohket. 4.18 Matta wabesuonganinnì womoausuonganit, qut pannuppe womoausuonk sohwhoteau wabesuonk, newutche wabesuonk wutauwakompunnaonganeumì: noh wabesit matta pannupheau ut womonittinneat. 4.19 Noh nìwomon¢un, newutche negonne nìwomonukqun. 4.20 Wosktomp nìwadt nìwomon GOD, kah sekeneauont wematoh, noh pannìwaenin, newutche noh matta womonunk wematoh neh nauoncheh, toh woh wuttinne womonon Goduh, neh matta nanauunkeh? 4.21 Kah annìteamìonk ahtauog wutche nagum noh womonont Goduh, womononch wematoh wonk. CAAP. V. 5.1 HOwan wanamptog Jesus noh Christ, noh neetu ut Godut, kah nishnoh pasuk womonont neh wanamonatamunitcheh kah wonk womonau neh wanamoniimukeh nashpe nagum. 5.2 Yeu wajeh w(a)hteauog nìwomonaonganun wunneechanoh GOD, womonogkut GOD, kah nanauweteauogkut wutannìteamìwongash 5.3 Newutche yeu womon[e]onk GOD, nanauwehtinneat wutannìteamowongash, kah wutannìteamìongash matta uhqunneunkquodtinnìwash. 5.4 Newutche howan wadchegit Godut, sohkom muttaok, kah yeu sohkausuonk, ne sohkomuk muttaok, kìnamptamìonganun. 5.5 Howan no(h) sohkauont muttaohke, qut (n)oh wanamptog Jesus wunnaumonuh GOD. 5.6 Yeuoh noh paont nashpe nippe kah wusqheonk, noh Jesus Christ, matta webe nashpe nippe, qut nashpe nippe kah wsqueheonk, kah noh Nashauant wauwaenuit, newutche Nashauanit wunnamuhkuteyeuì. <239b> <<1 Jn.5.7>> ^woh nuppeantamwanshittuimun^ 5.7 Newutche nag nishuog wauwacheg ut kesukqut, Wutìshimau, Wuttinnìwaonk, kah wunneetupanatamwe Nashauanit, kah yeug nishuog pasukììog. 5.8 Kah nag nishuog wauwacheg ut ohkeit, nashauanit, & nippe, kah msqueheonk, & yeug nishuog wunnawadtuog pasukìunneat. 5.9 Attumunumog ìwauwaonganì wosketompaog, ìwauwaonk GOD ƒnue missi, newutche yeu GOD ìwauwaonk ne wauwadt papaume Wunnaumonuh. 5.10 Noh wanamptauont Wunnaumonuh GOD, wauw onk ohteau ut wuhhogkat, noh matta wanamptauunk Goduh uppannuwaene£heuh, newutche matta wunnamptamììwauwaonk GOD, ne  nummauont papaume Wunnaumonuh. 5.11 Kah yeu ne wauw onk, GOD kittinnumunkqun micheme pomantam¢onk, kah yeu pomantam¢onk ohteau ut Wunnaumonat. 5.12 Noh wadchanont Wunnaumoniinneu(h) ohtau pomantam¢onk, kah noh matta wadchanunk Wunnaumonuh GOD, matta ohtoou pomantam¢onk. 5.13 Yeush kìsukkuhhumauunun oash kenaau wanamptam“gish ìwesuonk Wunnaumonuh GOD, onk woh kìwahteomwì kutaht¢mwì micheme pomantam¢onk, kah woh kìnamptamumwì ìwesuonk Wunnaumonuh GOD. 5.14 Kah nummenuhkanno¢suonganun papaume nagum, ne teaguas wehquetumog ut neyaunag wuttenantamìonk, kenìtunkqun. 5.15 Kah wahteauog noh nìtunkqun uttoh wehquetumog, nìwahteomun, nutattumunumumun nish wehquetumauogkutche. 5.16 Howan nauont weematoh usseoh mat©tªa nuppìe matcheseonk. noh pish wehquetumwanshau, kah noh pish wuttinnumauoh pomantam¢onk wutche nah matta nuppìe matchesenegeh: na nuppìongane matcheseonk, matta nusseuh ne pish uppeantamwontamun. 5.17 Wame matta sempweusseonk ne matchesonk, kah na matta nuppìe matcheseonk. 5.18 Nìwahteomun howan wadchegit Godut, matta matcheseu, qut noh wunnaumoniimuk wutch Godut, nanauw[]ehheau wuhhogkuh, kah noh machetuk matta ummusinuh 5.19 Kah nìwahte¢mun nìchiimun God ut, kah m musse muttaok appu matcheseonganit. 5.20 Kah nìwahteomun, Wunnaumonuh GOD peyau, kah kittinnumunkqun woh wohtam¢onk, woh kìwaheonxn¢nut noh wunnamuhkuteyeuì, kah nenawun nutapehtau¢un noh wunnamuhkuteyeuut ut wunnaumonat Jesus Christ ut, yeuoh wunnamuhkut GOD, kah micheme pomantam¢onk. 5.21 Mukkiesog chippe nanauweheuk kuhhogka¢og wutch nunneukontunkanit. Amen.